HMD Global may ayında Nokia 3210-un yeni versiyasını təqdim edəcək

Çinin HDM Global şirkəti Nokia telefonunun yeni versiyasını təqdim edəcək. Bu barədə Nokiamob xəbər verir.

“Nokia” brendinin hüquqlarına sahib olan şirkətin hesabında “İkon may ayında qayıdır” başlığı ilə X sosial şəbəkəsində yeni telefonun piksel təsviri peyda olub. Media jurnalistləri nəşri tədqiq edərək şirkətin 25 il əvvəl buraxılmış Nokia 3210 modelini yenidən buraxmağa hazırlaşdığını irəli sürüblər.

Həvəskarların fikrincə, HMD başqa bir əfsanəvi Nokia telefonunun yeni modifikasiyasını - 3310 modelini təqdim edə bilər.Bu versiya HDM Global-in Nokia cihazlarını 3310 ilə yenidən satışa çıxarmaq biznesinə başlaması ilə dəstəklənir. 3310-dan daha çox 3210-a bənzəyir.

Nəşrin jurnalistləri cihazın geniş istifadəçilər üçün nəzərdə tutulacağını təklif ediblər. Həmçinin, cihaz böyük ehtimalla KaiOS-da işləyəcək.

Nokia 3210 1999-cu ildə buraxılmış Nokia mobil telefonudur. Model kommersiya baxımından ən uğurlu modellərdən biri hesab olunur: onun bütün tarixi ərzində qadcetin təxminən 160 milyon nüsxəsi satılıb.

2024-cü ilin əvvəlində məlum oldu ki, Nokia brendinin hüquqlarına sahib olan Çinin HMD Global şirkəti bu marka altında cihazların istehsalını dayandıracaq. Brend üzərində mövcud hüquqlar 2025-ci ildə başa çatacaq.