Kitab "Seçilmiş"

Bir seçim sizi dəyişə və ya məhv edə bilər. Lakin hər seçimin də öz nəticələri var. Ətrafındakı dəstələrdə fasiləsiz hadisələr baş verərkən Tris Prayor kədər və əfv, şəxsiyyət və sədaqət, siyasət və sevgi ilə bağlı suallarla mübarizə apararaq, sevdiyi insanları və özünü xilas etməyə çalışmalıdır.
Seçim günü qələbə günü və seçdiyi dəstəni bayram etmək günü kimi keçirilməli idi. Lakin gün görünməmiş dəhşətli hadisələrlə sona çatdı. Dəstələr arasındakı münaqişə ideologiyalar inkişaf etdikcə daha da kəskinləşir. Müharibədə isə tərəflər seçilməli, sirlər üzə çıxmalı, seçimlər daha sabit və daha güclü olmalıdır. Öz qərarları, eyni zamanda dəhşətli günah və kədər hissi, yeni radikal kəşflər, qarışıq münasibətləri ilə dəyişmiş Tris Divergentliyin nə olduğunu dəqiq bilməsə də ona sarılmalıdır...
"New York Times"ın ən çox oxunan müəlliflərindən olan Veronika Rotun antiutopik "Divergent" seriyasından olan çox maraqlı ikinci kitabı eniş-yoxuşlarla, ürək parçalayan sevgi və insan təbiəti haqqında güclü səhnələrlə zəngin növbəti maraqlı hekayədir.
Veronika Rot "New York Times"ın ən çox satılan "Divergent" trilogiyasının müəllifidir. O, yazıçılığa hələ kollec tələbəsi olarkən başlayıb. İndi yalnız yazıçılıqla məşğul olan Veronika Rot və onun həyat yoldaşı Çikaqonu doğma evləri adlandırırlar.
Onu www.VERONICAROTHBOOKS.COM saytından və ya "Twitter"dən (@VeronicaRoth) izləyə bilərsiniz.