Tosterlər

Tosterlər haqqında məlumat

Yaxşı, dadlı, faydalı səhər yeməyi gün ərzində yüksək əhval-ruhiyyə və gümrahlığın rəhnidir. Lakin səhər yeməyində bütün bunlarla yanaşı, hazırlanma sürəti də əhəmiyyətlidir. Özünüz və ailəniz üçün səhər yeməyinin hazırlanmasında vaxta qənaət olduqca mühümdür. Ona görə də bir çoxları dadlı çörəyin qısa müddətdə qızardılması üçün tosterlərə üstünlük verirlər. Bu qurğu təzə və dadlı tost həvəskarları üçün olduqca zəruridir. Çörəyi tavada qızartmaq, əlbəttə, asandır, lakin məsələ burasındadır ki, bu zaman qaz plitəsinin yanında dayanmaq, daha sonra tavanı yumaq lazımdır. Səhəri bu manipulyasiyalarla başlamaq o qədər də cəlbedici deyil, bu qiymətli dəqiqələri daha mühüm işlərə sərf etmək olar. Müasir assortiment xeyli sayda model təklif edir və bu müxtəliflikdə seçim etmək asan deyil. Axı həm ucuz, həm də uzun illər xidmət göstərə biləcək toster axtarırsınız. Xüsusən də əgər onu hər gün istifadə etmək niyyətindəsinizsə. Tosterdə yeməyin hazırlanması az vaxt aparır, qonaqlar qapıda olduğu zaman isə bu, əla variantdır. Beləcə bir neçə dəqiqə ərzində dadlı yemək hazırlaya biləcəksiniz. Çörəyi tosterə göndərirsiniz və xüsusi səy göstərmədən başqa işlərinizlə məşğul olursunuz. Əgər toster almaq qərarınız hələ də qüvvədədirsə, onların növləri, seçimi necədə etmək barədə məlumatla tanış olun. İdarəetmə növləri üzrə tosterlər Evdə istifadə üçün toster seçərkən idarəetmə növünə diqqət yetirin. Yadda saxlayın ki, tostların hazırlanması qısamüddətli və komfortlu, ən əsası isə rahat olmalıdır. Beləliklə idarəetmənin 3 növü: 1. Əl ilə – belə tosterdə siz çörəyi özünüz çevirəcək və çıxaracaqsınız, həmçinin hazırlanma müddətini izləyəcəksiniz. 2. Yarıavtomatik – toster hazırlanma vaxtını özü tənzimləyir, lakin hazır tostları özünüz çıxarmalısınız. 3. Avtomatik – nə vaxtı izləmək, nə də tostu çıxarmaq lazım deyil, toster bütün bunları özü edir. Tosterlərin gücü və korpusun materialı Tostların hazırlanma müddəti cihazın gücündən asılıdır, optimal variant 900-1000 Vattdır. Bu güc elektrik şəbəkəsini yükləmədən tostları qısa müddətdə və effektiv qızartmağa imkan verəcək. Tosterlərin korpusu plastik yaxud metaldan hazırlana bilər. Materialın özü tosterin istismar müddətinə təsir göstərmir, burada daha çox estetik zövqə əsaslanmaq lazımdır. Qiyməti ucuz olan plastik tosterlər daha yüngüldür, onlar müxtəlif rəng qammaları ilə təqdim oluna bilər. Metal, təbii ki, daha bahadır, belə tosterlər daha sanballı görünür, tutqun rəngli yaxud parlaq ola bilər. Tutqun rəngli variant daha praktikdir, onun üzərindəki ləkə və əl izləri o qədər də görünmür. Tutum və funksiyalar Tosterdə 1-dən 4-dək bölmə ola bilər. Bəzi modellərdə bir bölməyə eyni vaxtda iki çörək dilimi yerləşdirmək mümkündür. Hər şey ailə üzvlərinizin sayından asılıdır. Həmçinin digər funksiyalara da diqqət yetirmək lazımdır. Tosteri seçərkən çörəyin donunun açılması, birtərəfli qızartma, çörək və bulkaların isidilməsi kimi üstünlüklər qazana bilərsiniz. Tosteri necə seçməli və onu haradan almalı? Artıq tosterlər barədə az da olsa, məlumatınız var. Deməli, seçim etməyiniz daha asan olacaq. Aldığımız hər şeydə olduğu kimi, tosterin seçilməsinə də məsuliyyətlə yanaşmalıyıq. Çünki xırda məişət texnikası gündəlik həyatımızda əla köməkçimiz ola bilər. Yeməyin asan və qısa müddətdə hazırlanması istənilən qadının arzusudur. Belə bir avadanlıq subay kişilərin, tələbələrin, eləcə də böyük və mehriban ailənin mətbəxini bəzəyə bilər. Özünüz üçün yaxud hədiyyə etmək məqsədi ilə toster seçməklə mətbəxdə əlavə rahatlıq formalaşdırmış, ətrafınızda olan insanları dadlı, təzə tostlarla sevindirmiş olacaqsınız. Azərbaycanda tosteri haradan əldə etməli? Bu sualla bağlı çoxlu problem meydana gəlmir, çünki toster əksər mağazalarda və internetdə təmsil olunan populyar məhsuldur. Bu baxımdan megamart.az saytı daha məşhurdur. Beləliklə, evinizdə dadlı tostların hazırlanmasında əvəzsiz köməkçi qazanmaq şansınız var. Bakıda toster axtarışındasınızsa, yalnız sınanmış saytlara diqqət yetirin, qiymətin aşağı və olduqca münasib olduğunu əsas götürərək toster almağa tələsməyin. Yaxşı görünüşə malik olan, dadlı tostlar hazırlayan keyfiyyətli texnikaya üstünlük verin