Yaponiyanın “Hakuto-R M2” modulu Aya enməyə hazırdır

Hakuto-R M2 modulu 5 iyun cümə axşamı Moskva vaxtı ilə saat 22:17-də Aya enməyə hazırlaşır. Bu barədə SpaceNews Yaponiyanın ispace şirkətinə istinadən xəbər verir .

Yumşaq enişin Soyuq dənizində koordinatları 60,5 dərəcə şimal eni və 4,6 dərəcə qərb uzunluğu olan bir nöqtədə həyata keçirilməsi planlaşdırılır.

“ispace” şirkətinin baş direktoru Takeşi Hakamadanın sözlərinə görə, onun rəhbərlik etdiyi şirkət Aya enişini Yerin və onun təbii peykinin iqtisadi və sosial baxımdan bağlı olacağı bir sistemin qurulmasının mərhələlərindən biri kimi qiymətləndirir. "Biz qəti şəkildə inanırıq ki, bu səy və onun uzunmüddətli uğuru Yerdəki həyatın bütün bəşəriyyət üçün davamlı olmasına töhfə verəcək" dedi .