Qadınların çox istifadə etdiyi "kirpik uzatma" proseduru xoşagəlməz nəticələrə səbəb ola bilər.
Bu barədə "The Sun" yazır.
Britaniyanın "Cadogan Clinic" oftalmologiya klinikasının həkimi Elizabet Houksun sözlərinə görə, son zamanlar süni kirpik istifadəsi ilə bağlı göz infeksiyalarının artımı müşahidə olunur.
"Kirpik uzatma prosedurlarının getdikcə genişlənməsi ilə göz qapaqlarının çirklənməsi ilə bağlı problemlərin sayı da artdı" deyə ekspert izah etdi.

Nümunə olaraq, kirpiklər üzərində şiş böyüməsi şəklində özünü göstərən xroniki iltihablı bir xəstəlik olan blefaritdən bəhs etdi.

Həmçinin kirpiklərin ilk növbədə gözləri tozdan və mikroblardan qorumaq üçün yaradıldığını və görmə qabiliyyətini qorumaq üçün son dərəcə vacib olduğunu və gözəllik müalicələrindən sui-istifadə kirpiklərin geri dönməz itkisinə səbəb ola biləcəyini xatırlatdı.