Yaponiya hökuməti yuxusuzluqdan əziyyət çəkən böyüklərə yuxu müddətini və keyfiyyətini yaxşılaşdırmaq üçün gecə ən azı 6 saat yatmağı tövsiyə edib.

Hökumətin hesabatında tövsiyə olunan yuxu vaxtları da yaş qruplarına görə fərqlənib.

Yaponiya Səhiyyə, Əmək və Rifah Nazirliyinin araşdırması göstərib ki, ölkə üzrə kişilərin 37,5 faizi və qadınların 40,6 faizi gündə orta hesabla 6 saatdan az yatır.

Bu səbəbdən Nazirlik tövsiyyə hesabatı layihəsi hazırlayıb.   

Sözügedən hesabatda yuxu müddətləri "həyəcan verici" olaraq izah edilib.

Buna uyğun olaraq, 1-2 yaşlı uşaqlar üçün 11-14 saat, 3-5 yaşlı uşaqlar üçün 10-13 saat, ibtidai sinif şagirdləri üçün 9-12 saat, məktəb və ali məktəb tələbələri üçün 8-10 saat yuxu tövsiyə olunub.  

Nazirlik həftə ərzində ictimaiyyətlə paylaşılan hesabatı ilin sonuna kimi yekunlaşdıracaq.

Mütəxəssislər gündə 6-8 saat yuxunun böyüklər üçün ideal olduğunu iddia edib. Gündə 7 saat yatanların depressiya, xərçəng və ürək döyüntüsü kimi xəstəliklərdən əziyyət çəkmə ehtimalı az olduğu qeyd olunub.