Apple şirkəti M4 prosessoruna əsaslanan Mac mini-nin yeni versiyasını təqdim edib. 

Yeni model əvvəlkindən xeyli kiçilib - kompüterdə 5 ilə 5 düym ölçülü korpus var. Şirkət qeyd edib ki, bu, “Apple Silicon-un inanılmaz enerji səmərəliliyi və innovativ istilik arxitekturası” sayəsində mümkün olub. Kiçik cihaz yeni M4 və M4 Pro prosessorları üçün dəstək aldı.

M1 çipindəki versiya ilə müqayisədə yenilənmiş Mac mini 1,8 dəfə güclü olub. GPU performansı da 2,2 dəfə artıb. Yeni kompüter Apple Intelligence süni intellekt (AI) alətləri ilə işləyəcək. Əsas versiyada cihazın 16 giqabayt operativ yaddaşı var.

“M4 və yeni M4 Pro çipinin performansı, həm ön, həm də arxada təkmilləşdirilmiş əlaqə və Apple Intelligence əlavəsi ilə birlikdə Mac mini həmişəkindən daha bacarıqlı və çox yönlüdür və bazarda buna bənzər heç nə yoxdur”. Apple-ın Hardware üzrə Baş vitse-prezidenti Con Ternus qeyd edib.

M4 çipi, 16 giqabayt əməli yaddaş və 256 giqabayt daxili yaddaşa malik cihazın baza versiyasının qiyməti 599 dollar, yəni təxminən 58 min rubl olacaq.

Oktyabrın 28-də Apple şirkəti M4 və M4 Pro prosessorlarına əsaslanan iMac stolüstü kompüterinin yeni versiyasını təqdim etdi . Model minimum 16 giqabayt operativ yaddaş, 4,5K təsvir ölçülü 24 düymlük Retina displey və dörd Thunderbolt 4 portu əldə edib.