Ağdam rayonu 08.08.1930-cu ildə yaradılıb və Ağcabədi, Tərtər, Bərdə, Kəlbəcər, Əsgəran, Xocavənd və Füzuli rayonlar ilə sərhəddir. Ağdamın rayon mərkəzi Bakıdan 362 kilometr məsafədə, Qarqar çayının sahillərindən 3 kilometr aralıda, Qarabağ düzənliyinin cənub-qərbində yerləşir. Rayonun ərazisi kənd təsərrüfatı ehtiyaclarına uyğun 1700 hektar meşə torpağı və 28 min hektar torpaq sahəsi təşkil edirdi. Kənd təsərrüfatı əsasən pambıqçılıq, üzümçülük və heyvandarlıq sahələrinə yönəlib. 1994-cü il mayın 12-nə qədər davam edən hərbi təcavüz nəticəsində ermənilər 846,7 km2 işğal edə bilmişlər ki, bu da Ağdam rayonunun ümumi ərazisinin 77,4% -ni təşkil edir. Ağdam şəhəri və rayonun 89 kəndi bəşəriyyət tarixində görünməmiş bir qəddarlıqla dağıdılaraq yerlə yeksan edildi. Ağdamın müdafiəsi uğrunda 5 ildən çox davam edən qanlı döyüşlər zamanı Ağdam 5897 şəhid verdi, 3531 nəfər əlil oldu, 1871 uşaq öz valideynini itirdi. Minlərlə insan fiziki cəhətdən əlil oldu, 126 mindən çox insan (1993-cu il) öz doğma yurdlarını məcburən tərk etməli oldular.
İlk elektron alış-veriş 1984-cü ilin may ayında həyata keçirilmişdir. Bu vaxtlar internet geniş kütlə üçün əlçatan deyildi. Üstəlik internetdən kommersiya məqsədi ilə istifadə etməyə də icazə yox idi, internetdən kommersiya məqsədi istifadə etməyə ilk dəfə 1991-ci rəsmi icazə verildi. Lakin ilk elektron ticarət Ümumdünya şəbəkəsinə qoşulmadan həyata keçirilmişdir. Bu proses sadə televizor və telefon xətti ilə "idarəedici" kompütürə birləşdirilmiş mikrokompüter vasitəsilə həyata keçirilmişdi. Bu kompüter ilk öncə sifarişi qəbul edirdi, onu qeyd edirdi, daha sonra isə onu sifarişin həyata keçirilməsi üçün onu mağazanın personalına ötürürdü. İlk elektron alış-veriş sistemini Maykl Oldriç (Michael Aldrich; 1941 — 2014) icad etmişdir. Əvvəlcə M.Oldriç 1980-ci ildə onlayn alış-veriş həyata keçirən korporativ informasiya sistemini icad etmişdir. Bu sistem mağazanın kompüterində lokallaşdırılmışdır və aşağıda göstərilən kimi işləyirdi: Sistem telefon xətti ilə modem vasitəsilə satıcılar, topdan və fərdi alıcılar, və tədarükçülər ilə birləşdirildi. Satışları və çatdırılmaları qeydə alan tranzaksiyalar mərkəzi kompüterlər tərəfindən real vaxt rejimində elektron şəkildə ötürülürdü və qeydiyyata alınırdı. Beləliklə, prosesinin bütün iştirakçıları lokal informasiya şəbəkəsində birləşirdilər və birgə fəaliyyət göstərirdilər. Maykl Oldriç qərara gəlmişdi ki, öz məhsulunu daha da inkişaf etdirməlidir və bir müddət keçdikdən sonra "Teleputer" adlı kompüter sistemini hazırladı. "Teleputer" sistemi Böyük Britaniya da geniş istifadə olunurdu. Böyük univermaqlar bu sistemi fərdi müştərilər üçün istifadə etmək qərarına gəldilər. Bu sistemdən ilk dəfə 1984-cü ildə Qeytshed (Gateshead) şəhərinin 72 yaşlı sakini Ceyn Snoubol istifadə etmişdir. Missis Snoubol, "Teleputer" sistemi vasitəsilə özü sistemə daxil olmuş, yumurta, yağ və qarğıdalı yarması sifariş vermişdi. Mikrokompüter onun sifarişini telefon xətti ilə mağazaya ötürdükdən sonra satıcılar sifariş edilmiş məhsulları Ceyn Snoubolun evinə çatdırdılar. Missis Snoubol sifarişə görə ödənişi nağd olaraq qapıya sifarişi çatdıran işçiyə ödədi. Beləliklə, ilk dəfə olaraq uzaqməsafədən, evdən çıxmayaraq sifariş ilə alış-veriş baş tutdu və ticarətdə yeni eranın başlanğıcı qoyuldu. Bununla belə, əsl elektron ticarət bir neçə il sonra, daha dəqiq desək 1994-cü ildə yarandı. Bu zaman internet artıq kütləvi kommunikasiya vasitəsinə çevrilməyə başlamışdı. Məhz elə həmin ildə də ilk elektron ticarət mağazası olan Amazon yaranmışdır.
Texnologiya dünyasında hər gün yeniliklər baş verir və bir çoxları düşünürlər ki, artıq bizi heçnə təəcübləndirə bilməz. Lakin Plantbook adlanan yeni noutbuklar hər kəsi təəcübləndirməyi bacardı. Plantbook`u çəkinmədən ən qeyri-adi konsepsiyaya malik noutbuk adlandıra bilərik. Noutbuku iki koreyalı dost - Hyerim Kim və Seunggi Baek ixtira ediblər. Plantbook`un 4 əsas innovativ xüsusiyyəti var: O borucuğa çevrilə bilir! Yəni siz rahatlıqla onu əlinizə alıb, borucuq formasına çevirə bilərsiniz. Plantbook günəş enerjisi ilə qidalanır. Plantbook`u suya yerləşdirə bilərsiniz! Bəli, suya! Bu da azmış kimi, hələ sudan enerji də toplayır. Plantbook oksigen istehsal edə bilir! Plantbook artıq bir çox investorun diqqətini cəlb etməyi bacarmışdır, çünki bu texnologiya yalnız dəbli və aktual deyil, həm də gərgin ekoloji vəziyyəti nəzərə alır.
IT News portalı, İT sahənin ən tələb olunan 7 ixtisasını təqdim edib. Onların arasında süni zəka, VR, kibertəhlükəsizlik mütəxəssisləri və bu sahənin reytinq üzrə birinci yerini tutan data scientist ixtisası var. Bununla yanaşı məlum olub ki, texnologiyalar üzərindən yaxşı pul qazanmaq üçün heç də Silikon Vadisində çalışmağa ehtiyac yoxdur. Yuta, Şimali Karolina, Miçiqan, Vaşinqton və Montana kimi ştatlarda da İT mütəxəssislər özlərinə iş tapa bilərlər. Süni zəka və dərin təlim üzrə mühəndislər: Dünyanın bir çox şirkətləri aktiv şəkildə avtomatlaşdırılmış sistem və süni zəka üzrə texnologiyaların inkişafı ilə məşğuldurlar. Dronlar, pilotsuz avtomobillər və s. buna misal gətirmək olar. Bu sahədə olan mütəxəssislərə tələbat isə getdikcə artır və artmaq da davam edəcək. VR/AR üzrə mütəxəssislər: “Randstad” şirkətinin məlumatlarına əsasən VR/AR sahəsində mütəxəssislərə tələbat o halda çoxalacaq ki, bu texnologiyalar daha çox sahələri tutacaqlar. Bu zaman bir çox şirkətlər VR/AR texnologiyaların istifadə olunma vacibliyini anlayacaqlar. Kibertəhlükəsizlik üzrə mütəxəssis: Texnologiyaların inkişafı ilə birlikdə həmçinin kibertəhlükələr də təkmilləşir. Bunun fonunda kibertəhlükəsizlik üzrə mütəxəssislərə olan tələbatın yüksəlməsi heç də təəccüblü deyil. “CareerCast” şirkətinin məlumatlarına əsasən 2017-ci ildə bu cür mütəxəssislərə tələbat çox olacaq. Bulud servislərin inteqratoru: “CompTIA” adlı İT assosiasiyanın mövqesinə əsasən informasiya texnologiyalarının təkamülünü 3 hissəyə ayırmaq olar. EHM dövrü (Elektron hesablayıcı maşın), PC və internet dövrü, bulud və mobil texnologiyalar dövrü. Günümüzdə bir çox şirkətlər öz xərclərini azaltmaq üçün bütün proseslərini bulud texnologiyaya keçirdirlər. Bu isə öz növbəsində bu cür işin öhdəsindən gələ biləcək mütəxəssislərə tələbatın artmasına gətirib çıxardır. Front və back-end developer: Veb interfeyslər getdikcə qəlizləşir. Nəticədə front və back-end developerlərə tələbat artır. Əsasən də PHP, Python, Node, JS və HTML/CSS proqramlaşdırma dillərini bilən İT mütəxəssislər axtarılır. Data scientist: Süni zəka, biznesin bir hissəsi olmağa doğru gedir. Məlumatların analiz işi isə onun təməlində olan əsas faktorlardan biridir. Glassdoor kadr agentliyinin reytinqinə əsasən dərinləşdirilmiş maşın təlimi, texnologiyanın gələcəyidir və böyük məlumatlarla iş üzrə alimlər mütəmadi şəkildə məşhur ixtisas reytinqlərində birinci yeri tuturlar. Iot mütəxəssisi: Böyük həcmli məlumatları yığmaq üçün ötürücülərdən, sensorlardan və digər üsullardan istifadə olunur. Məlumatlar üzrə elmin müasir tapşırığı, hansı üsulla məlumatı sürətlə əldə edib onu analiz etməkdən ibarətdir. Şirkətlər öz proseslərinin təkmilləşdirilməsinə ehtiyac duyurlar. Beləliklə onlara bu cür tapşırıqların öhdəsindən gələn mütəxəssislər lazımdır.
Müasir dünyada hər bir insan gündəlik ortalama 1,5-2 min reklam mesajı ilə rastlaşır. Təbii ki, onların böyük hissəsi insanın ağlında qalmır. Belə olan halda reklamların effekti sıfıra düşür. Buna görədə fərqlənmək lazımdır. Fərqlənmək üçün isə ən yaxşı üsullardan biri "partizan marketinqi"dir. Megamart.az komandası sizlər üçün 4 uğurlu partizan marketinq kampaniyasını seçdi: Reklam agentliyi ev üçün məişət texnikası satan mağazalar şəbəkəsi ilə tərəfdaşlığa imza atır. Tərəfdaşlığa əsasən şəbəkənin bütün mağazalarında vitrinə qoyulan TV-lərdə reklam agentliyinin hazırladığı çarxları göstərirlər. Reklamdan əldə olunan gəlir isə agenlik və mağazalar şəbəkəsi arasında bölüşdürülür. Beləliklə, agentlik çox xərc çəkmədən böyük kütləyə çatır. Zoomağaza öz məhsullarının satışını stimullaşdırmaq üçün yaxın məktəblərdə təhsil alan şagirdlərə mağazada ödənişsiz ekskursiya təşkil edir. Sonda isə iştirak edən məktəblilərin hər birinə paketlərdə balıq hədiyyə edirlər və balıqları necə saxlamalı olduqları ilə bağlı məlumatlar bölüşürlər. Daha sonra sevincli məktəblilərin valideynləri həmin balıqları saxlamaq üçün həmin mağazadan akvarium, balıq yemi, aerator və s. lazımi məhsullar almalı olurlar. Beləliklə, satışlar nəticəsində hədiyyə olunan balıqların dəyərindən dəfələrlər daha çox gəlir əldə olunur. Hamımızın tanıdığı Apple şirkətinində uğursuz və çətin dövrləri olub. Bu dövrlərdə isə Aplle maraqlı bir kampaniyaya imza atır. Apple şirkəti Kaliforniya məktəblərinin hər birinə bir ədəd kopmüter hədiyyə edir. Bunun nəticəsində onlar iki şeyə nail olurlar: Uşaqlar yeni kompüterlər barədə valideynlərinə danışdılar (və bu satışlara ciddi təsir göstərdi). Apple kompüterlərinin pərəstişkarı olan bir nəsil yetişməyə başladı. Yol-nəqliyyat hadisələri üzrə mütəxəssis olan bir hüquqşünas bir neçə travmatoloq və rentgenoloq ilə razılığa gəlir. Hər dəfə yol qəzası nəticəsində travmatoloqun və rentgenoloqun yanında xəsarət almış şəxs gəldikdə, onlar həmin şəxsə hüquqşünasın vizitkartını uzadaraq "Sizi bu vəziyyətə salan əclafın sizə $10.000 ödəməsini istəyirsinizsə, bu hüquqşünasa müraciət edə bilərsiniz. O həmin əclafın qanını içəcək!"
Volkswagen: Think Small – «Volkswagen: Kiçik Düşünün».Ötən əsrin 60-cı illərində ABŞ vətəndaşları böyük avtomobillərə üstünlük verirdilər. Almanların yığcam "Volkswagen Beetle"-i həmin böyük avtomobillərin yanında gülünc dərəcədə kiçik görünürdü.Lakin tanınmış marketoloq V.Bernbax riskli addım ataraq, böyük avtomobillərə tələbatı olan hədəf kütlənin gözləntiləri ilə "oynadı". Bu gedişin nəticəsində Volkswagen`in ABŞ-da satışları dəfələrlər artdı. Reklamın baş qəhramanı olan kiçik alman avtomobili çəkinmədən deyirdi: "Siz düşünürsünüz ki, mən balacayam? Bəli, bu belədir! Ama axı bu əladır!". Ardınca isə kiçik və yığcam avtomobil modelinin üstünlükləri barədə məlumatlar verilirdi: yanacağa edilən qənaət, parking zamanı az yer tutması və s. Üstünlüklərin konkret faktlar ilə göstərilərək dürüst və səmimi vurğulanması bir çoxlarının ürəyincə oldu. Bu case`dən belə nəticəyə gələ bilərik ki, dürüstlük - ən yaxşı siyasətdir. Heç vaxt öz məhsulumuzu olduğundan artıq göstərmək olmaz.
“YouTube Go” əlavəsinin köməyi ilə videomaterialı smartfona yükləmək və daha sonra İnternetsiz seyr etmək, həmçinin “Bluetooth” vasitəsilə dostlarla paylaşmaq mümkün olacaq. Videonu daha sürətlə və rahat seyr etmək üçün “Google” şirkəti “YouTube Go” mobil əlavəsini demək olar ki, sıfırdan tətbiq etmək qərarına gəlib. Əsas yenilik, şübhəsiz, videofaylların mobil qacetlərə yüklənməsinin mümkünlüyü ilə bağlı olacaq. Şirkətin verdiyi vədlərdən belə məlum olur ki, bu funksiya trafikə qənaət edənlər üçün maksimal dərəcədə rahat həyata keçirilir. Вirincisi, yüklənən videofaylın ölçülərini seçmək, ikincisi, onları görmək mümkündür. Odur ki, istifadəçilər faylın yüklənməsi zamanı nə qədər trafik sərf edəcəklərini dəqiq biləcəklər. Həmçinin “YouTube Go” vasitəsilə videofayla ilkin baxış imkanı yaranacaq. Bu və ya digər çarxın maraqlı olub-olmadığını anlamaq üçün seyrə başlamazdan öncə ilkin baxış funksiyasından yararlanmaq mümkündür.
Motorola С200 (2003) 60 milyon Motorola StarTAC (1996) 60 milyon Apple iPhone 4S (2011) 60 milyon Samsung Galaxy SIII (2012) 70 milyon Apple iPhone 5 (2012) 70 milyon Nokia 6010 (2004) 75 milyon Samsung Galaxy S4 (2013) 80 milyon Nokia 1208 (2007) 100 milyon Nokia 1600 (2006) 130 milyon Motorola RAZR V3 (2004) 130 milyon Nokia 2600 (2004) 135 milyon Nokia 3310 (2000) 136 milyon Samsung E1100 (2009) 150 milyon Nokia 5230 (2009) 150 milyon Nokia 6600 (2003) 150 milyon Nokia 1200 (2007) 150 milyon Nokia 3210 (1999) 160 milyon iPhone 6 и iPhone 6 Plus (2014) 220 milyon Nokia 1110 (2005) 250 milyon Nokia 1100 (2003) 250 milyondan çox
Etibarlı saat “Apple Watch” yaxud “Moto 360” modeli çox gözəldir, lakin onları əsl saat adlandırmağa adamın dili gəlmir. Xronometr həqiqətən etibarlı olmalı və öz aktuallığını itirməməlidir. Elə bir vəziyyətdə olmalıdır ki, insan onu varislərinə ötürməkdən utanmasın. Saqqal üçün trimmer Bir çox kişilər saqqal saxlamağa üstünlük verir və hazırda bu trend yenə də dəbdədir. Saqqal kişini qızların gözündə daha cəsarətli və cazibədar göstərir. Saqqala qulluq etmək üçün müntəzəm olaraq bərbərin yanına getmək yaxud adi trimmer almaq kifayətdir. Yaxşı trimmerlər saqqalı hamarlamaq yaxud qısatlmaqla yanaşı, dəqiq tənzimlənən yarımmillimetrədək uzunluq hesabına üçgünlük tük effekti formalaşdırır. Alət yeşiyi Yaxşı qazanmağınız və rəfi asmaq yaxud uşaq velosipedini təmir etmək üçün mütəxəssis çağırmaq imkanına malik olmağınız o qədər də əhəmiyyətli deyil. Əsl kişi nəyi isə öə əlləri ilə etməyi bacarmalıdır. Bunun üçün mütləq alət yeşiyi lazımdır. Qayka açarları dəsti, çəkic, bir cüt vintaçan, passatiji, WD-40 balonu çox lazımlı vasitələrdir. Zərurət yarandıqca arsenalı genişləndirmək də olar. Axı yeşik artıq var, elə deyilmi? Klassik eynək Gün eynəyi kişiyə ümumiyyətlə lazım olan azsaylı aksessuarlardan biridir. Bacarıqla seçilmiş eynək sifətin cəsarətli cizgilərini nəzərə çarpdırır və obrazı tamamlayır (və, əlbəttə, gözlərinizi parlaq günəş şüalarından qoruyur). Əla qulaqcıqlar Taxma, kanaldaxili, simsiz yaxud istənilən digər keyfiyyətli brend qulaqcıqlar. Hər bir sanballı mal kimi, onlar da sizin zövqünüzü göstərir və bəzək qismində çıxış edir. Ağır gündən sonra sevimli musiqidən həzz almaq, ətrafdakı səs-küydən uzaqlaşmaq və diqqəti işə yönəltmək yaxud yorucu qaçış prosesini yüngülləşdirmək – yaxşı qulaqcıqlar onlarla müxtəlif vəziyyətdə sizə faydalı olacaq. Qantellər Əsl kişi üçün fiziki formanın yaxşı vəziyyətdə saxlanılması heç müzakirə belə olunmur. Bir-iki qantel və səhər vaxtı onlarla işləmək üçün bir neçə dəqiqə - bu, görə biləcəyiniz ən cüzi işdir.
Chanel Coco Versace "Eros Pour Femme" Lancome "Tresor" Dior J'adore Chloe "Eau de Parfum" Stella McCartney "Stella Eau de Toilette" Chanel "Coco Noir" Terre d'Hermes Gucci "Guilty" Guerlain "La Petite Robe Noire" Vera Wang "Princess" Voyage d'Hermes Yves Saint Laurent "Opium" Beyonce "Midnight Heat"
Mətbəximizdə ən çox işləyən avadanlıq olan soyuducular məhz bu səbəbə görə özünə qarşı ən çox diqqəti tələb edir. Bu təkcə soyducunun daha uzunömürlü olması üçün deyil, həm də bizim sağlamlığımız üçün də önəmlidir. Başlayaq ən əsas şərtdən, soyuducunu daim təmiz saxlayın. Təmizlik işiləri aparakən isə əsan qliserin və ya spirtə batırılmış bezdən istifadə edin. Soyuducuya qoyulan qidaların üzəri örtülü olmalıdır. Çalışın yaş tərəvəzləri və sulu yeməkləri isti halda soyuducuya qoymayın. Tərəvəzlərin suyu buxarlanaraq buzlaşır ki, bu da soyuducunun soyutmaq qabiliyyətini aşağı salır. Eyni hal sulu yeməkləri isti halda soyuducuya qoyanda da baş verir. Soyuducuda olan pis iylərin qarşısını almaq üçün qutusu açıq olan soda qoyun. Soda pis qoxuları özünə çəkəcək. Soyuducunun qapısının tam örtülməsinə diqqət edin ki, enerji istifadəsinə təsərrüf edəsiniz və qıdalar daha uzun müddət istifadəyə yararlı olsun. Bir də soyuducunun öndəki ayaqlarının daha uzun olması məsləhət görülür, çünki siz unutsanız belə qapı tam örtüləcək. Soyuducu ilə divar arasında məsəfə saxlayın ki, mühərrik daha uzun müddət ona xidmət etsin. Hələlik bu qədər dostlar, yuxarıdakı qaydalara riayət etməklə siz həm sağlamlığnızı, həm də yeni soyuducunuzu qorumuş olacaqsınız.
