Məzmuna keç
(070) 944-47-02 (070) 944-47-08 corp@megamart.az
Megamart-da satın Təhvil məntəqələri Sual-cavab Mənim sifarişlərim
Qeydiyyat
Faydalı məlumat

Bloq

Apple yeni "TV" tətbiqini tanıtdı

   Apple bu gün reallaşdırdığı fəaliyyətlə  Apple TV və mobil platformalar üçün yeni bir tətbiq təqdim edir. Daha əvvəl gündəmə gəlməyən "TV" tətbiqiylə istifadəçilər Apple platformalarında izlənilə bilən bütün video, film ,dizi və kataloqları içində sıralama, tənzimləmə, siyahıya ala biləcək, təqvim və xatırlatma qura biləcək, platformalar arasında keçid edərək izləmə təcrübəsini hər yerdə davam etdirə biləcək. Apple TV-nin içərisində iştirak edəcək TV tətbiqi yalnız bu platforma ilə məhdud deyil; iPhone və ya iPads üçün də versiyaları istifadəyə təqdim ediləcək. TV tətbiqiylə gələn yeni xüsusiyyətlər arasında "İndi İzlə", "Sıradakı", "Təklif", "Arxiv" və "Mağaza" var. TV tətbiqi Apple TV, iPhone və iPad'lərdə də istifadə edilə biləcək və hər zaman cihazlar arasında əlaqə yaradıla biləcək. Beləcə cihazlar arasında keçid daha asan olacaq. Yoldaykən iPhone'unuzdan izləməyə başladığınız bir filmi, evə gəldiyinizdə Apple TV vasitəsilə izləməyə davam edə biləcəksiniz. Pulsuz olaraq yayınlanacaq olan tətbiqin dekabr ayında çıxması gözlənilir. İlk olaraq Amerika Birləşmiş Ştatlarında təqdim ediləcək tətbiqin irəliləyən zamanlarda yeni ölkələrə daxil edəcəyini  gözlənilir.

Oxu

İnternet barədə maraqlı faktlar

Əgər «Facebook” dövlət olsaydı, əhalisinin sayına görə dünyada üçüncü yeri tutardı.   Ay ərzində «Facebook» sosial şəbəkəsinin istifadəçiləri 3 milyard fotoşəkil yerləşdirirlər.   İstifadəçilərin sayının çox olmasına baxmayaraq, dünya əhalisinin 80%-i İnternet şəbəkəsindən istifadə etmir.   Larri Peyc və Sergey Brin yeni axtarış sisteminin adını fikirləşərkən onun işləyə biləcəyi böyük miqdarda informasiyanı ifadə etmək istəmişlər. Onların həmkarı «quqol» (yüz sıfırlı bir rəqəmi) sözünü təklif etdi və dərhal bu adın istifadə edilib-edilmədiyini yoxladı. Onun «sərbəst» olduğunu aşkar etdikdən sonra qeydə aldı. Bununla belə müəllif sözün yazılışında səhvə yol verib: düzgün olan ‘googol.com’ əvəzinə ‘google.com’ yazıb. Lakin yeni kəşf olunmuş söz Larrinin xoşuna gəldi və ad kimi təsdiq edildi.   «Google» axtarış sisteminin əsas səhifəsinin belə «quru» görkəmdə olmasının başlıca səbəbi ondan ibarətdir ki, onun baniləri HTML nişanlama dillərini bilmirdilər və qısa müddətdə sadə interfeys hazırlamaq istəyirdilər. Əslində isə onlar uzun müddət «Submit» düyməsini ərsəyə gətirə bilməmişlər. Axtarışla bağlı sorğunu yalnız klaviaturada «Enter» düyməsini basmaqla göndərmək mümkün idi. Faktiki olaraq səhifə yalnız bir axtarış sətrindən ibarət idi.   Hər 8-ci ailə cütlüyü İnternet vasitəsilə tanış olub.   Hər 10-cu cütlük ər yaxud arvadın «İnternetdə dostları ilə ünsiyyət»ə marağı səbəbindən ayrılır.   İstifadəçilərin 40%-i kompyuter arxasında oturarkən televizoru da işə salır, növbə ilə gah kompyuterin monitoruna, gah da televizorun ekranına baxır.     «eBay» hərracında satılan ilk əşyalardan biri qiyməti 14,83 $ təşkil edən sınmış lazerli göstərici olub.

Oxu

Cessika Albadan gənc analar üçün hərəkətlər

Doğuşdan sonra öz əvvəlki formasını qısa müddətdə bərpa etməyi hansı ana istəməz? Özəl məşqçi Cessika Albanın təklif etdiyi üç sadə hərəkəti körpədən uzaqlaşmadan yerinə yetirə bilərsiniz. Cessika Albanın “321 Fitness”dən olan şəxsi məşqçisi Ramona Braqanza qarın, sağrı və omba sümüklərinin əvvəlki tonusunu qaytarmağa yardım edən üç sadə hərəkət təklif edir. Bu hərəkətlər arxası üstə uzanmış vəziyyətdə ayaqların növbə ilə qaldırılması, çanaq sümüyünün qaldırılması və böyrü üstə uzanmış vəziyyətdə yarıbükülmüş ayağın qaldırılmasından ibarətdir. Hər bir hərəkət bir dəqiqə ərzində yerinə yetirilir. Bu hərəkətlər fasilədən sonra məşqlərə başlamaq istəyənlər üçün olduqca münasibdir. 

Oxu

“Dadlı” qaydalar

“Dadlı” qaydalar. Meyvə və tərəvəz şirələri necə düzgün qəbul etməli.   Bir stəkan meyvə yaxud tərəvəz şirəsi orqanizm tərəfindən dərhal həzm edilən vitaminlər deməkdir. Gündə bir stəkan şirə içməklə orqanizmin vəziyyətini əhəmiyyətli dərəcədə yaxşılaşdırmaq, yorğunluğa, zəifliyə və pis əhval-ruhiyyəyə qalib gəlmək mümkündür.   Təzəcə sıxılmış şirəyə keçin. Özünüz tərəfindən hazırlanan və dərhal içilən təzə şirəni paketin içində olan heç bir təbii şirə əvəz edə bilməz. Soyuducuda iki saat ərzində duruldulması tövsiyə edilən çuğundur şirəsi isə istisnadır. Yığcam şirəçəkən maşını istənilən mətbəxdə yerləşdirmək və yumaq çox asandır! Onu bir stəkan şirə üçün işə salmağa tənbəllik etməyəcəksiniz. Həddən artıq turş şirə mədəyə və diş minasına mənfi təsir edə bilər, ona görə də onu 1:1 yaxud 2:1 nisbətində su ilə qarışdırmaq tövsiyə olunur. Yeri gəlmişkən, eyni səbəbdən turş şirə içdikdən dərhal sonra dişləri təmizləmək məsləhət görülmür: yumşalmış diş minasını zədələyə bilərsiniz. Hər şeydə əndazəni gözləyin. 200 ml portağal şirəsi almaq üçün təqribən üç portağal lazım olacaq. Bu, vitamin ehtiyatı olmaqla yanaşı, şəkərli “bomba”dır. Qaraciyər böyük miqdarda yerkökü şirəsinin öhdəsindən gəlməyə bilər, cəfəri şirəsini isə yalnız bir dəfə xörək qaşığı ilə içmək olar, əks təqdirdə əsəb sisteminizdə ciddi gərginlik yarana bilər. Elə isə nə qədər şirə içmək olar? Nə qədər tərəvəz, meyvə yaxud göyərti yeyə biləcəyinizi təsəvvür edin və beləcə şirənin həcmini müəyyən edə biləcəksiniz. Təzə şirəni yeməkdən əvvəl yaxud sonra için. Yemək yeyərkən içilən şirə köpməyə yaxud həzm yolu ilə bağlı digər problemlərə səbəb ola bilər. Ona görə də şirəni yeməkdən bir saat əvvəl yaxud sonra qəbul edin. Səhər acqarına içilən şirə yaxşı həzm olunur, əgər mədə ilə bağlı heç bir probleminiz yoxdursa. Smuzi hazırlayın. İçində meyvə ləti olan şirə daha qidalıdır və faydalı, dadlı səhər yeməyini əvəz edə bilər.     Bu “dadlı” qaydaları dostlarınızla bölüşün!

Oxu

Facebook FacioMetrics'i aldı

 Oculus VR tərəfinə emojilərlə rəng qatan Facebook, bu dəfə üz ifadəsi tanıma tətbiqi olan FacioMetrics'i satın aldı.  Facebook da gələcəyin proqramlarında işarə əsaslı nəzarət və üz ifadələrinin istifadə ediləcəyinə inanır. Bu inancını da FacioMetrics satın almasıyla göstərir. Carnegie Mellon Universitetindən təşəbbüskar alimlərin qurduğu FacioMetrics də gələcəyin tələblərinə cavab verəcək texnologiyalar inkişaf etdirir. FacioMetrics  təməl qabiliyyəti üz ifadələrini oxuya bilmək və bu qabiliyyəti fərqli tətbiqlərdə fərqli şəkillərdə istifadə edə bilir. Makiyaj etmədən makiyaj məhsulu sınamaqdan, yığıncağa qatılanların üz ifadələrini oxumağa,  bir üz ifadəsini emojiye çevirməyə qədər fərqli həllər təqdim edə bilir. Satın almanın məbləği açıqlanmır, ancaq şirkətin Intraface adlı tətbiqi AppStore'dan qaldırılmışdır. Facebook  FacioMetrics'i əvvəlcə video paylaşımlarında maska və emoji çevrimi üçün istifadə etmək niyyətində idi. İrəliləyən dövrdə isə üz işarələriylə Facebookdakı paylaşımlarına reaksiya vermək kimi xüsusiyyətlər görməmiz mümkündür. FacioMetrics komandası əlbəttə Facebook'a qatılmaqdan ,texnologiyaları daha da irəlilətmək və geniş kütlələr tərəfindən istifadə edilə bilən səviyyəyə gətirməkdən məmnundur. Şirkətin qurucusu Dos. Dr. Fernando De la Torre  görüntü tanıma qabiliyyətlərini inkişaf etdirmənin yanında daha məhsuldar mobil tətbiqlər inkişaf etdirmək istədiklərini şəxsən dilə gətirir. İstifadəçilərin paylaşımlarından vəziyyətlərini təxmin edə bilən Facebook artıq bu analizə üz ifadələrini əlavə edərək  həqiqətən depressiyada və ya kədərli olub-olmadığımızı söyləyə bilir. Bu da artıq telefon kameramızın Facebook üçün daha çox çalışacağı mənasını verir. Bəlkə də bizim telefonumuzun ön kamerasını  bağlamamız lazım olacaq. Eynilə Mark Zuckerbergin kompüterinin kamerasına etdiyi kimi.

Oxu

2017 ilinə damğa vuracaq texnologiya xəbərləri

Virtual reallıq  Virtual reallıq internet sürətinin artması, mobil cihazların 360 dərəcə videoları dəstəkləmələri, qrafik kartlarının inkişafı kimi texnoloji inkişaflar nəticəsində son bir neçə ildir çox sürətli bir şəkildə yayılır. Əyləncə, oyun, kino, dizayn, mobil tətbiq, ictimai media, simulyasiya, alış-veriş, sənaye və sənət kimi bir çox sahədə Virtual Reallıq (VR) həyatımızda daha çox yer alacaq.   Süni Zəka Yaxın zamanda sadə təkrarlanan əməliyyatları süni zəkaya etdirmənin bir çox müəssisə üçün mümkün hala gəlməsi gözlənilir. Beləcə bu təkrarlanan işləri edən insanlar daha  dəyərli işlərə vaxt ayıra biləcək, süni zəka ilə insan arasında  bir iş mübadiləsi olacaq. Beyin Dalğaları  Beyin xəstəliklərinin əvvəlcədən diaqnozu, xəstəliklərə müdaxilə, beyin oxuma-yazma cihazları başda DARPA olmaq üzrə müxtəlif tədqiqat institutları və Human Brain Project kimi ölkələr arası araşdırma layihələri tərəfindən böyük büdcələr ayrılaraq inkişaf etdirilməyə çalışılır.   Şəxsi Tibb İndiki vaxtda bir çox tibbi tətbiq böyük cəmiyyətlərin ortalaması alınaraq təyin olunan müalicə standartlarına söykənir. Şəxsi tibb günümüzdə spesifik xüsusiyyətlər, yaş, cinsiyyət, boy , çəki, pəhriz və ətraf şərtlərinə əsaslanaraq xəstənin sağlamlığını idarə etməkdir. Şəxsi tibb tətbiqləri ilə xərçəng, ürək xəstəliyi və diabet kimi məşhur xəstəliklər daxilində risk altındakı fərdlərin təyin olunması hədəflənmişdir.Ənənəvi tibbin tamamilə göz ardı edilə bilməməsinə baxmayaraq, fərdi tibbin əhəmiyyətinin gün keçdikcə daha da artması və gələcəyi formalaşdırması gözlənilir.   Sosial Robotlar Sosial robotlar  özlərini idarə edə, öz içərisində təyin olunan ictimai qaydalara və özünə verilən vəzifələr daxilində insan və digər avtonom sistemlərlə ünsiyyət qura bilən  sistemlərdir. Bu robotlar çöldən gələn səs, görüntü kimi məlumatları qəbul edib, analiz edəcək təchizat və proqramlarla təchiz olunur. Sosial robotlar gələcəkdə daha da insana bənzəyəcəkdir.   Geyilə Bilən Texnologiya  İndiki vaxtda texnologiya həyatımızın imtina edilməz bir parçası halına gəldi. Belə   ki, artıq ağıllı cihazlarımız olmadan evdən çıxa bilmirik. Vəziyyət belə olunca da bu cihazlar gedərək balacalaşdı və bir aksesuara çevrildi. Biləklərə, qola hətta üzə belə tətbiq oluna bilən bu kəşflə bir çox cihaz geyilə bilən hala gəldi.    

Oxu

Dünyanın 3D printer ilə istehsal edilmiş ilk super avtomobili

Gözlənildiyi kimi 3D printerlərin sənayenin təməlini dəyişdirməsi  reallaşır. Dünyanın gözü   davamlılıq üzərinə fokuslandığı halda  3D printerlər daha çox göz önünə çıxır , çünki bir çox baxımdan həm insana, həm də təbiətə daha çox fayda verir.   Dünyanın 3D printer ilə çıxarılmış süper avtomobili olan Blade əslində özü olduqca əhəmiyyətli bir müzakirəni da gətirir. Blade'in istehsalçı firması olan Divergent təsisçisi və CEO-su Kevin Czinger əvvəllər elektrikli avtomobillər üçün batareya istehsal edən bir şirkətin təsisçilərindən idi  və təbii ki,  bu işi edərkən ən əhəmiyyətli şey  ətraf mühitin  həssaslığıdır. Kevin Czinger də ətraf mühitə olduqca həssas bir təşəbbüskar idi .Bir gün anlayır ki, əslində ətraf mühitə verilən zərərin çox böyük bir hissəsi nəqliyyat vasitələrinin  daha bazara çıxarılmadan əvvəlki istehsal mərhələlərindən qaynaqlanır. Bu səbəblə etdiyi işi buraxıb ətraf mühitə daha çox fayda verə biləcəyi bir model inkişaf etdirməyə başlayır  Ortaya Divergent və süper avtomobil olan Blade çıxır. Böyük bir hissəsi 3D printerlər vasitəsi ilə çıxarılan Blade parçaları təkrar emal oluna biləcək şəkildə hazırlanmışdır . Bir ana plataya sahib olan Blade  öz zövqünüzə görə dizayn edilə bilər. Bu da bir çox ekoloji zərərin qarşısını alır.Avtomobillər hər nə qədər ətraf mühiti qorumaq üçün  istehsal olunsa da Tesla belə istehsal mərhələsində digər yanacaq sərf edən avtomobillər qədər ətraf mühitə zərər verir. Blade istehsalçıları isə avtomobilin istehsal mərhələsində ətraf mühitə verilən zərərin avtomobilin istifadəsi zamanı verilən zərərdən daha çox olduğunu söyləyir. 3D olaraq istehsal edilən Blade’in süper avtomobil olmasının səbəblərindən biri də sürətdir. İstehsal edildiyi  xammal digər avtomobillərdən daha yüngül olduğu üçün  97 km sürətə 2.2 saniyədə çata bilir. Avtomobilin çox ağır olmaması ola biləcək qəzalarda sürücüdə meydana gələcək ziyanları da azaldacağı üçün olduqca effektiv görünür.   Gələcəyin avtomobilləri və sənaye ətrah mühitin dostu olacaq. Köhnə avtomobilləri də dəyişdirmək mümkün olacaq. Bu mövzuda GE’in inkişaf etdirdiyi Predix bulud platformasını istifadə edərək klassik bir Musteng'in ağıllı bir avtomobilə çevrilməsi nümunə göstərilə bilər.   Həm 3D , həm də Predix istifadə edərək inkişaf etdiriləcək olan avtomobil sistemləri ətraf mühitə çox daha az zərər verəcək, hətta heç zərər verməyəcək. Blade'in çox daha sürətli şəkildə həyatımıza girməsi arzusu ilə…       

Oxu

Ayaqlarda GPS

Görünür, ən yaxın zamanda kompas və xəritələr tarixin “saxlanc”ına yollanacaq. GPS-in demək olar ki, hər telefonda mövcudluğu azmış kimi, onu artıq krossovkalarda da quraşdırmağa başlayıblar! Yeni “ağıllı” ayaqqabı sahibinə məqsədə çatmaq üçün hansı tərəfə hərəkət etməli olduğunu özü göstərəcək. “Lechal” adlanan GPS-krossovkaları texnologiyasını hindistanlı mütəxəssislər Anirudh Şarma və Krispian Lourens kəşf ediblər. Onlar iddia edirlər ki, istifadəçi ilə ayaqqabının “ünsiyyət”i az qala instinktiv səviyyədə baş verir: “Kimsə sizə sol tərəfdən toxunduğu zaman dərhal sola çevrilirsiniz. Bizim sistem təxminən eyni cür fəaliyyət göstərir: xüsusi sensorun yüngül toxunuşu nəticəsində ayaqlarınız lazım olan istiqamətdə hərəkət edir. Bundan əlavə, əllərinizi və barmaqlarınızı tərpətməklə öz ayaqqabınızı idarə edə bilərsiniz. Çünki krossovkalarda bu cür siqnalları tutan və ayırd edən sensorlar var. Üstəlik gün ərzində nə qədər kalori yandırmaq istədiyinizi ayaqqabıya bildirsəniz, o sizə optimal marşrut təklif edəcək və qaçış ritmini seçəcək”.    

Oxu

Google vs. Yandex

Rusiyanın Federal Antiinhisar Xidməti “Google” şirkətini 438 milyon rubldan artıq cərimə etmişdir. Bu cərimə 2015-ci ilin fevralından davam edən işin final akkordu oldu. Həmin dövrdə Rusiyanın “Yandeks” şirkəti “Google” şirkətinin fəaliyyətini yoxlamaq xahişi ilə  Federal Antiinhisar Xidmətinə müraciət etmişdi.  20 fevral 2015-ci il tarixində “Google” şirkəti barəsində antiinhisar qanunvericiliyinin pozulması şübhəsi ilə cinayət işi başlanıldı. Sentyabrda isə “Google” şirkətinin “Rəqabətin qorunması haqqında” Qanunu pozması təsbit edilərək, bu sui-istifadə faktı Android əlavələrinə münasibətdə başlıca müddəa kimi irəli sürüldü. İstehsalçılara “Google Play” əlavəsini yükləməyə yalnız  bu şərtlə  icazə verildi ki, mobil qurğuya “Google” şirkətinin və onun axtarış sisteminin bir sıra digər əlavələri də yüklənsin, həmçinin bu əlavələr qurğunun əsas ekranında əlverişli yerdə yerləşdirilsin.  Üstəlik istehsalçılara digər şirkətlərin əlavələrini yükləmək qadağan edildi.  

Oxu
0
0 Səbətdə 0 məhsul var
Cəmi:
0₼

Minimum sifariş miqdarı: 1 ₼